Sual-cavab (FAQ)
Keyfiyyət informasiya sisteminin istehlakçılar üçün üstünlükləri hansılardır?
Mənşə sertifikatının üstünlüyü nədən ibarətdir?
Mənşə sertifikatı nədir?
Keyfiyyət informasiya sisteminin sahibkarlar üçün yaratdığı imkanlar hansılardır?
Keyfiyyət informasiya sisteminin akkreditasiya edilmiş uyğunluğu qiymətləndirən qurumlar üçün üstünlükləri hansılardır?
"Keyfiyyət informasiya sistemi” vasitəsilə göstərilməsi nəzərdə tutulan digər xidmətlər hansılardır?
Keyfiyyət informasiya sistemi vasitəsilə hansı elektron xidmətlər göstərilir?
Ölçmələrə dair məcburi tələblər hansılardır?
Ölçmələrin vəhdətinin təmin edilməsinin dövlət tənzimlənməsinə aid olan ölçmələr tipi təsdiq edilmiş və yoxlamadan keçmiş ölçmə vasitələrindən istifadə edilməklə, attestasiya edilmiş ölçmə metodikaları (metodları) ilə (birbaşa ölçmələrin yerinə yetirilməsi üçün nəzərdə tutulmuş ölçmə metodikaları (metodları) istisna olmaqla) yerinə yetirilməlidir.
İdxal olunan mallara uyğunluq sertifikatı əldə olunmalıdır?
“İstehlakçıların hüquqlarının müdafiəsi haqqında” Azərbaycan Respublikasının Qanununa əsasən qanunvericilik aktları ilə və ya digər normativ sənədlərdə vətəndaşların həyatı, sağlamlığı və əmlakı, ətraf mühitin mühafizəsi üçün təhlükəsizlik tələblərinin müəyyən edildiyi mallar (işlər, xidmətlər) qüvvədə olan qanunvericiliyə əsasən məcburi sertifikasiyadan keçirilməlidir. Göstərilən tələblərə uyğunluğunu təsdiq edən sertifikat olmadıqda belə malları (o cümlədən xarici malları) Azərbaycan Respublikasında satmaq və istifadə etmək qadağandır.
Belə malların Azərbaycan Respublikasının ərazisinə idxal edilməsinə razılıq üçün gömrük orqanlarına təqdim edilən, müvafiq səlahiyyətli orqan tərəfindən verilmiş və ya da tanınmış uyğunluq sertifikatı əsas verir.
Hansı hallarda uyğunluq sertifikatının qüvvəsi dayandırılır?
Malın (işin, xidmətin), onunla əlaqəli prosesin (o cümlədən idarəetmə sisteminin), istehsal metodunun standartlaşdırma üzrə normativ sənədlərin tələblərinə uyğun olmadığı müəyyən edildiyi halda, uyğunluq sertifikatının qüvvəsinin dayandırılması barədə qərar qəbul edilir.
Uyğunluq sertifikatını necə əldə etmək olar?
Uyğunluq sertifikatının əldə edilməsi üçün sifarişçi tərəfindən müvafiq sahədə “Uyğunluğun qiymətləndirilməsi sahəsində akkreditasiya haqqında” Azərbaycan Respublikasının Qanunu ilə müəyyən olunmuş qaydada akkreditasiya edilmiş istənilən uyğunluğu qiymətləndirən quruma müraciət edilə bilər. Maraqlı şəxslər həmin qurumlar barədə məlumatları Dövlət Xidmətinin tabeliyində olan “Azərbaycan Akkreditasiya Mərkəzi” publik hüquqi şəxsin internet səhifəsindən əldə edə bilərlər (https://accreditation.gov.az/az/uygunlugun-qiymetlendirilmesi/malin_sertifikatlasdirilmasini_aparan_orqan).
Uyğunluq sertifikatı nədir?
Uyğunluq sertifikatı malın (işin, xidmətin), onunla əlaqəli prosesin (o cümlədən idarəetmə sisteminin), istehsal metodunun standartlarda göstərilən tələblərə uyğunluğunu təsdiq edən müəyyən formalı sənəddir.
Qanunvericilikdə akkreditasiya olunmadan fəaliyyət göstərilməsinə görə məsuliyyət tədbirləri nəzərdə tutulubmu?
Azərbaycan Respublikası İnzibati Xətallar Məcəlləsinin 538-1-ci maddəsinə əsasən uyğunluğun qiymətləndirilməsi sahəsində akkreditasiya haqqında qanunvericiliyin tələblərinin pozulması inzibati məsuliyyətə səbəb olur.
Hansı qurumlar akkreditasiya olunurlar?
“Uyğunluğun qiymətləndirilməsi sahəsində akkreditasiya haqqında” Azərbaycan Respublikasının Qanunu ilə müəyyən olunmuş qaydada akkreditasiya olunan qurumlar aşağıdakılardır:
- Sınaq laboratoriyaları;
- malın (xidmətin, işin) sertifikatlaşdırılmasını aparan qurumlar
- idarəetmə sistemlərinin sertifikatlaşdırılmasını aparan qurumlar;
- işçi heyətinin sertifikatlaşdırılmasını yerinə yetirən qurumlar;
- inspeksiya orqanları;
- etalon material istehsalçıları;
- “Ölçmələrin vəhdətinin təmin edilməsi haqqında” Azərbaycan Respublikasının Qanununa uyğun olaraq, ölçmələrin vəhdətinin təmin edilməsi üzrə işləri yerinə yetirmək və (və ya) xidmətlər göstərmək üçün akkreditasiyası tələb edilən qurumlar.
Uyğunluğun qiymətləndirilməsi sahəsində akkreditasiya nədir?
Uyğunluğun qiymətləndirilməsi sahəsində akkreditasiya qurumun uyğunluğun qiymətləndirilməsi sahəsində fəaliyyət göstərməsi üçün akkreditasiya tələblərinə cavab verməsinin akkreditasiya orqanı tərəfindən təsdiqlənməsidir.
Standartlaşdırma üzrə normativ sənədlərin rəsmi nüsxələrini necə əldə etmək olar?
Dövlət orqanları (qurumları), fiziki və hüquqi şəxslər standartların rəsmi nəşrlərini standartlaşdırma üzrə dövlət fondundan Dövlət Xidmətinin tabeliyində olan “Azərbaycan Standartlaşdırma İnstitutu” publik hüquqi şəxslə bağlanılmış müqavilələr əsasında kağız daşıyıcıda və ya İnstitutun rəsmi internet saytından onlayn formada əldə edə bilərlər.
Texniki şərt nədir və hansı hallarda hazırlanır?
Texniki şərtlər mala (işə, xidmətə), onunla əlaqəli proseslərə (o cümlədən idarəetmə sistemlərinə) və istehsal metodlarına dair texniki tələbləri müəyyənləşdirən, tətbiqi könüllü olan normativ sənəddir.
Texniki şərtlər müvafiq sahədə dövlət standartı və ya Azərbaycan Respublikasında birbaşa tətbiq olunan beynəlxalq, regional, dövlətlərarası və xarici dövlət standartları olmadığı təqdirdə və ya təsərrüfat subyekti tərəfindən müəyyən edilmiş yeni texniki həllərin istifadəsini təmin etmək məqsədilə təsərrüfat subyektləri tərəfindən işlənib hazırlanır. Texniki şərtlərdən üçüncü şəxslərin istifadəsi üçün texniki şərtlərin sahiblərinin razılığı olmalıdır. Texniki şərtlərin sahiblərinin razılığını bildirən müvafiq müqavilə texniki şərtlərin sahibləri tərəfindən milli standartlaşdırma qurumuna qeydiyyat üçün təqdim edilir.
Standart nədir?
Təkrar və ümumi istifadə üçün nəzərdə tutulan, mala (işə, xidmətə), onunla əlaqəli prosesə (o cümlədən idarəetmə sisteminə) və istehsal metodlarına dair norma, qayda və tövsiyələri müəyyən edən, tətbiqi könüllü olan normativ sənəddir.
“Texniki tənzimləmə haqqında” Azərbaycan Respublikasının Qanununa əsasən texniki reqlamentlər qüvvəyə minənədək təsərrüfat subyektləri tərəfindən texniki reqlamentlərin əhatə etdiyi mallara, onlarla əlaqəli proseslərə və ya istehsal metodlarına dair standartların, həmçinin uyğunluğun qiymətləndirilməsi ilə bağlı müddəaları müəyyən edən normativ hüquqi aktların tələblərinə riayət olunmalıdır.
Standartlaşdırma üzrə normativ sənədlər hansılardır?
“Standartlaşdırma haqqında” Azərbaycan Respublikasının Qanununa əsasən standartlaşdırma sahəsində normativ sənədlərə aşağıdakılar aiddir:
- dövlət standartları, o cümlədən ilkin dövlət standartları;
- bu Qanunla müəyyən olunmuş qaydada tətbiq edilən beynəlxalq və regional, dövlətlərarası, eləcə də xarici dövlətlərin standartları;
- texniki şərtlər.